รวบรวมเรื่องราวที่น่าสนใจ ข่าวสารความบันเทิง เทคโนโลยี ความก้าวหน้า แนวคิด เรารวมไว้หมด ความบรรเทิงที่หาได้ไม่ยาก เพียงแค่อ่าน Chicnews เรียนรู้ประวิติศาสตร์ที่ผ่านมา ว่าเราโลกเราผ่านอะไรมาบ้าง ข้อมูลท่องเที่ยวจากทุกมุมโลก อะไรดี อะไรเด่น เราจัดหามาให้ สัตว์โลกในมุมมองที่น่ารัก ทั้งแปลกตา น่าสนใจ เรียนรู้การเขียนเว็บไซต์ง่ายนิดเดียว ทำเรื่องเว็บให้เป็นเรื่องง่าย

ขับลำ จำปาขาวลาวใต้ โดยอินแตง แก้วบัวลา

ปติ ตันขุนทด

แป่แหล่  แป่แหล่แก้มเจ้าแปแหล
เซิญมาแวะ   แนบ้านเกิดเมืองนอนบ่อนแดนอารยะธรรม
มีเสียงลำวีวอน   อยู่บ่อนแขวงจำปา   ไผคิดฮอดปู่ย่า
เซิญมา   แวะ...
มื้อนี้  หมอลำขอไขแจ้ง   แถลงกลอนแจ้งข่าว
จำปาขาวลาวใต้   ควรไขอ้า  จ่อจี๋
ไผบ่เคยมาพี้  นางยินดี๋ให้มาแวะ
อุดมดีแท้เท้   แล้แหล่วซื่นสอง
แขวงจำปาตั้งอยู่บ่อนหย่อนหยอน  อยู่ใกล้หย่อนคอนพะเพ็ง
นางบรรเลงเสียงดนตรี   อยูหลี่ผีตอนใต้
ไผได้ไปเห็นแล้ว   อุดมดีเป็นตาอยู่
มีหมู่ปลาดีดด้อน    ออนซอนเด
บัดเมือมองน้ำไหลตีต่อยต้อง   ฟองต่อยต้ำหมักหิน
เป็นวินวินวนเวียน    เบิ่งซ้ำเกวียนกงล้อ
เหลียวเบิ่งอาป้าถ้อ   อ่างทอทอมซุมปลาพอนเพียว่า
   มัจฉามีมากล้นมันลอยน้ำแก่งวัง
มีหมู่ปลาข่อกั้ง   กุ้งโก่งแกมหอย   
มัจฉาลอยในวัง   จังแม่นออนซอนเด
ออนซอนเดนอป้า    มีปูปลาน้อยใหญ่
อยู่ดินแดนภาคใต้  ให้ไปดิ้นเลาะฟอน
ขี่เฮือพายเล่นจร  คอนท้ายน้ำนำกระแส
หาตึกแหไหลมอง   กะก้องลำทางใต้
พ่อเอ๋ย   ลำเซิญไปกับเสียงน้ำ   ยามแลงงายเซ้าค่ำ
เป็นเสียงลำพื้นบ้าน    หัวใจซ้อยชื่นบานสำราญเด
ออนซอนดินอุดมดน   ประซาซนก็ดูหมั่น
ฮอมฮักกันแพงกัน   ซิ้นต่อนหนาปลาต่อนน้อย  แลงเซ้าก็ส่งกัน
สามัคคีมีรักหมั่น    ขยันเวียกใจใส่
เสียสละมีน้ำใจ   ไผปากจาอ่อนน้อมโดยจ้าวจักแม่นดี
มาฮอดทุกมื้อนี้  แฮงแมม่วนสวนสนุก
เดี๋ยวนี้มาถึงยุค   ประเทศลาวเจริญแล้ว
มีหลายแนวก็เสริมสร้าง   ขยายโตเติบใหญ่
ตั้งแต่เหนือตลอดใต้    ก็ไวฟ่าวก่อแปง
ตลอดฝนและแล้ว   ก็แม่นม่วนสบายใจ
แขกใกล้ไกลก็มาซม   ถิ่นอุดมลาวนี่
มีเสียงลำเสียงฮ้อง   หลายทำนองฮ้องกล่าว  แฟนเอ๋ย
ศิลปะขับลำลาว    ตั้งแต่เหนือฮอดใต้มีไว้ผู้สู่แนว
เซิญเดอ  ไผผู้เคยมาแล้ว  ให้มายามน้องอีกแน
หมู่บ่เคยมาแท้แท้    ให้มาแหม้เที่ยวซม
เสียงลำสมลาวใต้   บ่ลืมไลของปู่ย่า
ยังมาลำออดอ้อน   อย่าลืมถ้อนท่านผู้ฟัง
หวนคืนหลังยังจำไว้    ไผอยู่ไกลบ้านเกิดเก่า    
เซิญมายามเดอแจ่มเจ้า   เสียงลำลูกส่งเมือเหลือใจ
ผู้อยู่เหนือลงเมือใต้    ไปหลายปีบ่โค้งต่าว
บางคนลาวอยู่ภาคใต้   บัดไปกันอยู่เหนือ
บางคนหนีพงศ์เผ่าเซื้อ   ไปญี่ปุ่นเมริกา
หลายหลายปีบ่ทันมา     แวะเยือนยามบ้าน
บางคนหนีไกลฮ้าน    เฮือนซานสถานที่
ไปหาเงินอยู่พุ้นไปหาเงินอยู่พี้   บัดเดี๋ยวนี้บ่ต่าวมา
สาวนางได้แต่ลำคอยท่า    ไผสิมาเป็นคู่
ยังนอนขดขี่คู้       คอยชู้ผู้บ่มี
จังเอาเสียงลำนี้   มาวอนถามถึงพี่
ไผบ่มีคู่ซ้อน  ให้มาถ้อนอยู่อยู่โดน  เดอซายเอย   
เป่ยเเหลย  แก้มเจ้าเป่ยเลย
ไผสิเมือเป็นเขย     ดอกฟ้าเพชรโพนทอง 
  หัวใจน้องยังว่าง   อยู่เดออ้าย
/color]  
.				
comments powered by Disqus
  • ปติ ตันขุนทด

    22 ธันวาคม 2554 10:00 น. - comment id 1218639

    ฟังเสียงขับลำ  ที่ยูทูบ  พิมพ์  จำปาขาวลาวใต้  จะได้ฟังงานของศิลปินพื้นบ้านชาวรากหญ้า16.gif16.gif16.gif
  • สาวไทย

    29 ธันวาคม 2555 02:50 น. - comment id 1253009

    คนร้องเป็นใครชื่ออะไรคะร้องได้ไพเราะจริงๆชอบค่ะมีเพลงของเธออีกไหมคะอยากฟังอีกค่ะ

thaipoem ที่สุดกลอนดีๆ

thaipoem บ้านกลอนไทยที่ที่สร้างแรงบันดาลใจของทุกๆคน เป็นเพื่อนเมื่อยามเหงา คอยปลอบใจเมื่อยามร้องไห้ ที่ที่อยากให้ทุกๆคนรู้ว่าสิ่งดีๆเกิดขึ้นได้ทุกวัน