โดนเติบล้านโกฏิอดีตกาล มีเรื่องสนุกสนาน ประเพณีแห่งแม่มูล ริมฝั่งอันอุดมสมบูรณ์ ถิ่นงามดอกคูณ เสียงแคนแดนพิณถิ่นฐาน มีสองมหาวิทยาลัยจัดงาน สืบสัมพันธ์สาน นิสิตและนักศึกษา คือประเพณีเก่าแก่มา แห่งการกีฬา การแข่งกะปอมกัดกัน ระหว่างคู่แข่งสองสถาบัน ฝั่งหนึ่งสร้างสรรค์ สร้าง มหาวิทยาลัยกกกาง ส่วนอีกฝั่งฟากฝากทาง ชี้วัดจัดวาง สร้าง มหาวิทยาลัยโคกพิณ การเฮียนแข่งกันจนชิน เวียกงานชาญศิลป์ ทั้งสองบ่เคยยอมไผ คือเรื่องศักดิ์ศรีหัวใจ ปัญญาชนชัย ชูเชิดแข่งขันกันเฮียน ประเพณีกีฬาพาเพียร คอยท่ามาเวียน หนึ่งปีมีเถื่อหนึ่งคือ แข่งกะปอมประเพณีที่ถือ ทีมกะปอมฝึกปรือ เกรียมแข่งอยู่ดอนไก่แดง หนึ่งปีนิสิตมีแฮง ออกแบบเสื้อแสง แบ่งสีตามมหาลัย วางขายเห็นอยู่ทั่วไป เปลี่ยนแบบทุกสมัย นิสิตม่วนหาซื้อเพลิน ประเพณีนี้มักสรรเสริญ ผู้นำเชียร์เผชิญ คู่แข่งยามแข่งกีฬา ส่วนคนต้อนกะปอมโหยหา เถิงมีวิชา บังคับกะปอมยอมตาม เถิงเก่งฉกาจมากฝากถาม บ่มีจักยาม สิมีผู้คนสนใจ แม้นว่าแข่งกะปอมชิงชัย ชื่อเสียงเกรียงไกร ชื่อแท้ของกิจกรรม นิสิตนักศึกษาจะจำ แต่หญิงชายนำ- หมู่เชียร์อยู่ทุกทุกปี กะปอมกัดฟัดกันสูสี แต่บ่เคยมี ดอกไผสนใจกะปอม พู้น!! ผู้นำเชียร์มาวอร์ม น่าฮักน่าถนอม น่าจีบมาเป็นผู้สาว กะปอมกัดฟัดเลือดสาดคาว บ่ฮู้เรื่องราว ไส้ทะลักก็อย่าไปหัวซา เสียงขู่ฟู่ฟ่อต่อตา ประหัตประหารพา สิ้นชีพกี่โตกี่โต บนอัฒจันทน์ยังสุโข ฟ้อนอย่างไฮโซ เพิ่นฟ้อน โบรักสีดำ นิสิตนักศึกษาชั้นนำ สนุกสนานอิ่มหนำ สังสรรค์หลังจบสิ้นงาน สองสถาบันฮักสมัครสมาน ดื่มต่อขอวาน โดนโดนได้พักผ่อนกัน กับแกล้มแนมเหล้าเมามัน หมกฮวกสร้างสรร ข้าวเหนียวจ้ำไข่มดแดง กะปอมเฮ็ดก้อยดิบบ่แพง จังแม่นแซบแฮง เฮ็ดอ่อมแซบนัวแซบนัว ต่างม่วนต่างยิ้มต่างหัว แซบกับข้าวครัว ผู้สาวผู้บ่าวเอาใจ เนื้อกะปอมจากการแข่งใน- สนามทุกสมัย ย่อมถืกนำมาก้อยกิน ทุกปีทุกปีแดนดิน ลุ่มน้ำมูลยิน งานม่วนหนึ่งเถื่อตลอดมา วิถีนิสิตนักศึกษา พลังแห่งปัญญา พักผ่อนหย่อนคลายการเฮียน แล้วค่อยลำบากพากเพียร มุงานอ่านเขียน ศึกษาให้สำเร็จกัน อดีตกาลนานคึดบ่ทัน กี่ชาติกี่กัลป์ หนอที่บังเกิดเหตุการณ์ นิสิตจบเฮ็ดเวียกงาน เป็นผู้เชี่ยวชาญ ชื่อบัณฑิตได้อย่างใด ล้วนเป็นสัจธรรมนำสมัย ทุกชาติภพไป ให้เห้นอีกล้านโกฏิปี
เชษฐภัทร วิสัยจร 27 ก.พ. 2556 18:02 น. - ID 146695 
1811
1
0
1 มีนาคม 2556 10:34 น. - comment id 1255988
เคยเห็นแต่การชนไก่ ไม่เคยเห็นการแข่งขันกะปอมเลยค่ะ
2 มีนาคม 2556 09:54 น. - comment id 1256077
มีด้วยหรอ ซาดิสม์ กว่าทุกภาคเยยนะ
หน้าส่วนตัว
กลอนอกหัก รักหวานซึ้ง
กลอนอวยพร
กลอนให้กำลังใจ
กลอนให้ข้อคิด
