น้ำท่วม.....

สุรศรี

....น้ำท่วม....
โอ้นอพี่น้องเอย	
เสียงทีวีประกาศก้อง    พี่น้องไทยถูกน้ำท่วม
ได้รับควมเดือดฮ้อน    คราวนี้เฮ็ดจั๋งได๋
มรสุมพัดเข้า	          เหนือกลางตะวันออก
ภาคอีสานกะโหลดพ้อ  นำคะเจ้าผ่องเดียว
ฝนตกตั้งแต่กี้	         น้ำเต็มเขื่อนคูหนอง	
น้ำเต็มคลองคู่สาย      ระบายนำออกสู่มื้อ
มรสุมมาพัดซ้ำ          ฝนบ่เซาตกมาตื่ม
ยากสิลืมทุกข์ฮ้อน     แนวนี้กะส่างเป็น
ข้าวในนาหาก่อนแล้ว   แตกกอเขียวจ่วนห่วน
น้ำท่วมขาวอากลาก    บ่เห็นก้านกิ่งไป
เหลียวไปเห็นแต่น้ำ   เฮือนซานบ่ได้อยู่
เสื้อคาคีงอ้อนต้อน    หนีไปซ่นอยู่หลังคา
พวกข้าวของเสื้อผ้า   น้ำมาบ่ฮู้เมื่อ
ฮ้องหาลูกและเต้า      ลุงป้าอยู่จั่งได๋
บางเฮือนน้ำพัดซ้ำ     ดินถล่มจ่มแพพัง
ลางคนเสียชีวิต         ค้นหาศพบ่ทันพ้อ
รัฐบาลบ่ได้ซ้า          ฟ้าวฝั่งทางซ่อยเหลือ
ข้างของสัมภาระ        น้ำในขนไปพร้อม
เทิงข้าวสารอาหารแห้ง   ของจำเป็นเร่งด่วน
ทหารหาญบ่ได้ซ้า     นำเรือเข้าซ่อยสู่เฮือน
จบข่าวพอส่ำนี้          สุรศรีประกาศข่าว
สิรายงานสู่เจ้า          ความคืบหน้าเว้าสู่ฟัง
ทางเอฟบีเด้อพี่น้อง  รายงานด่วนออนไลน์
โปรดติดตามกันเอา  เด้อพี่น้องอย่าได้ลืม......ซั่นแหล่ว...
........................
กลอนผญาอีสานครับ
ร่วมส่งกำลังแงใจ
น้ำท่วมพ่ายน้ำใจครับ
ด้วยรัก
สุรศรี				
comments powered by Disqus

thaipoem ที่สุดกลอนดีๆ

thaipoem บ้านกลอนไทยที่ที่สร้างแรงบันดาลใจของทุกๆคน เป็นเพื่อนเมื่อยามเหงา คอยปลอบใจเมื่อยามร้องไห้ ที่ที่อยากให้ทุกๆคนรู้ว่าสิ่งดีๆเกิดขึ้นได้ทุกวัน

>