อีเมลถึงนางฟ้า....... อ้ายนี่คิดฮอดน้อง เปิดอ่านอินเตอร์เน็ต ได้แต่เขียนจดหมาย ส่งอีเมลเถิงน้อง มื้อนี้เขียนจากห้อง มอสองอยู่ห้องหนึ่ง ให้การบ้านเด็กน้อยแล้ว กะเลยเปิดนั่งเขียน เป็นจั่งได๋นอหล่า ศรีอำคานางฟ้าพี่ เจ้าอยู่ดีอยู่บ่น้อง นางหล่าเป็นจั่งได๋ อ้ายโทรไปมื้อนั่น คือบ่รับสายโทร รึว่านางมีไผ นั่งนำพะนางน้อง รึว่าพ่อแม่น้อง หวงนางบ่ให้พี่ คบกับอ้ายผู้นี้ ผู้จนยากกว่าไผ รึว่าแฟนของน้อง มีสองเทียมผ่าง นางปิดบังโตอ้าย ตั๋วให้คิดคะนิง อ้ายนี่คิดฮอดน้อง ละเมอหาบ้าป่วง ห่วงแต่นำแจ่มเจ้า เห็นข้าวบ่ยากกิน มื้อนั่นงานวันเกิดน้อง ขอขวัญได้รับบ่ ห่อกระดาษให้เจ้า เห็นแล้วเป็นจั่งได๋ ถืกใจอยู่บ่หล่า ของบ่มีราคา แต่มันออกจากใจพี่ คันบ่มักแท้แท้ ให้นางหล่าส่งคืน โลดเด้อ... มือนี้พอส่ำนี้ คนดีอ้ายไปก่อน เอาไว้ตอนหน้าพุ้น สิส่งหานางฟ้าใหม่ ขอบ้ายบายพอส่ำนี้ ซียูเล็ตเตอร์....เด้อนางเด้อ...
สุรศรี 4 ก.พ. 2553 08:29 น. - ID 132774 
827
6
0
4 กุมภาพันธ์ 2553 08:47 น. - comment id 1095735
๐ อ้ายเอ้ย....นางผูฮ้ายหมายถ่า...มารับเมล์แต่เซ่า....ส่งไปหาผูได๋อ้าย...นางฟ้าฯบ่ได๋เห็น...หรือส่งหานางอีกคนที่คิดฮอด... ที่อยากกอดบ่แมนนางฟ้า...วาซันแหล่วอ้ายเอย....
4 กุมภาพันธ์ 2553 09:08 น. - comment id 1095743
๐ ได้รับเมล์จึงตอบเข้าลอบหา โอ้พี่ยามีสองนางให้เลือกฝัน ใช่จำแลงแปลงร่างข้างชีวัน นางฟ้าฯนั้นมีสามจุดให้หยุดรอ... ปล..อ้ายเอ้ย...ส่งเมล์หาผูได๋เน้อ... ฮู้บ่ว่าเขากำลังถ่าอ้ายตอบกลับมาอยู่เด้ออ้าย หรือว่านางผูฮ้ายอ้ายจังบ่มาหา...วาซันแหล่วปล..แวะมารอบ 2 จ้า
4 กุมภาพันธ์ 2553 09:22 น. - comment id 1095746
แล่วๆๆๆๆ อ้ายเอ้ย.. แม่นเจ้าส่งเมล์หาหล่า หล่าผู่ได๋ละอ้าย... เจ้าสิหมายตาหลายหล่า. ให่แย้งตาถ่าค้อย.. แม่นอีนางผู่น่อย เป็นแต่หลีโตนอีหลี.. เด้ออ้ายเด้อ อิ๊กๆๆ ข้อยบ่มีอีหยังดอก ข้อยตามน่องหนูนางฟ้าฯมา ซื่อๆ
4 กุมภาพันธ์ 2553 10:00 น. - comment id 1095767
เขียนถึงนางฟ้าบ่จ้า มาลักอ่านอีเมล์จ้า
4 กุมภาพันธ์ 2553 10:41 น. - comment id 1095795
เอ...เป็นอีเมลส่วนตัวนะครับ ห้ามใครอ่านนะครับคุณเพียงพลิ้วครับ เอ...วันก่อนเห็นมีเพียงแพรว เป็นคน คนเดียวกันรึเปล่าหนอ..หรือว่าเป็น ฝาแฝดกัน.... คิดถึงคุณนะ...จริง ๆ ไม่ได้ตั๊วนะ นึกว่าไปไหนแล้วนะนะ คิดถึงอีหลีเด้อ..
4 กุมภาพันธ์ 2553 21:34 น. - comment id 1096138
4 กุมภาพันธ์ 2553 22:18 น. - comment id 1096183
เหนื่อยแปลอ่ะค่ะ แหะ....พยายามอ่านหลายรอบอยู่..อิอิ แวะมาทักทายค่าๆๆ..
4 กุมภาพันธ์ 2553 23:13 น. - comment id 1096211
ป้าดโธ่....คื้อโพ่ดแท้ล่ะอ้าย.........
5 กุมภาพันธ์ 2553 19:17 น. - comment id 1096485
ลุ้นเต็มที่พี่น้องบ้านเรา
หน้าส่วนตัว
กลอนอกหัก รักหวานซึ้ง
กลอนอวยพร
กลอนให้กำลังใจ
กลอนให้ข้อคิด
