คิดฮอดหลาย ๆ

สุรศรี

.....สุขสบายหมั้น.................เสมอมันเครือเก่า
สุรศรีกลับมาเว้า..................นำซุมเจ้าดั่งเดิม
หายหน้าไปบ่ได้เริ่ม.............เว้าอ่อยออยผญา
บ่ได้ไขวาจา.........................ต่อเติมดาเค้า
ย้อนว่าการงานสร้าง............รุงรังปานฮากไผ่
หาเวลาบ่ได้.........................หาโอกาสบ่ได้ 
ซุมน้องอ้ายอย่าว่ากัน........
คิดฮอดหลายใจสิขาด..........หัวอกเพสิขาดแล่ง
คิดฮอดแฮงแท้แท้................โตข้อยกะส่างเป็น
คิดฮอดน้องกวีน้อย ฯ          กลอนแสนกลหลายกว่าหมู่
คิดฮอดอยู่สู่มื้อ.....................สุริยันต์พ้อมกะผ่องกัน
น้องนางฟ้าหมู่นั้น...............ปรางทิพย์เป็นจั่งได๋
คิดฮอดคนทางไกล..............อยู่บ่นอทางนี้
เจ้าอนงค์นางหล้า................แกงเขียวหวานคิดฮอดอ้ายอยู่บ่
รึว่าตั๋วให้อ้าย......................คิดนำเจ้าอยู่ผู้เดียว
นรสิริน้องหล่า...................คนงามจั่งได๋น่อ
คิดออดอ้ายอยู่บ่น้อง..........ปิดเรียนแล้วเป็นจั่งได๋
คือสิงามนอกล้วยไม้.........ออกดอกองามเหลืองอร่ามอยู่บ้อ
คันอยากได้กล้วยไม้..........ขออ้ายบ่เป็นหยัง
ลุงปิติอยู่โคราช.................เมืองย่าโมเฮ็ดหยังอยู่
แต่งกลอนดู๋แท้แท้............ขยันล้นกว่าไผ
อ้ายกวีซีไรท์(ซีม่า)..........ไปไสนอบ่ส่งข่าว
กลอนของเราคักแท้แท้....ไผอ่านแล้วกะอยากหัว
หลานขนมผัดว่าลุงศรีมั่ว...พูดอะไรก็ไม่ชัด
บ่เข้าใจผญา.....................ผัดว่าลุงศรีมั่ว
...มื้อนี้พอส่ำนี้................มื้อลุนมาสิมาจากันใหม่
สิลาไลพี่น้อง.................เมือบ้านอ้ายก่อนเด้อ
เห็นว่าผักหมเหี้ยน.........กลางทางเจ้าอย่าฟ้าวเหยียบย่ำ
บาดมันถอดยอดขาว.....บาดมันทาวยอดดั้ว
เถิงสิขึ้นเลาะฮั้ว.............ยังสิได้นึ่งเทื่อลุน......ดอกนา  ฯ
....................................................................................
สุขสบายหมั้น...เสมอมันเครือเก่า..เป็นคำพูดเปรียบเทียบว่ายังอยู่สบายดีเหมือน
มันเทศเครือเดิมต้นเดิม ไม่เหี่ยวไม่เฉา
.เว้าอ่อยออยผญา.......มาพูดผญาต่อ
ดาเค้า........................ดั้งเดิม
หัวอกเพ...................ใจจะขาด  ใจจะแตก
โตข้อย......................ตัวฉัน
กะส่างเป็น...............ทำไมถึงเป็นอย่างนี้
ฮากไผ่.....................รากไม้ไผ่
คิดฮอดอยู่สู่มื้อ........คิดถึงอยู่ทุกวัน
พ้อมกะผ่องกัน.........คิดถึงด้วยเหมือนกัน
จั่งได๋........................เป็นอย่างไร (ถามข่าว)
ตั๋ว...........................โกหก
คือสิงามนอ..............คงจะงามดีนะ
ดู๋แท้แท้....................ขยันจริง ๆ
กะอยากหัว..............น่าหัวเราะ  น่าขัน
มื้อลุน  เทื่อลุน.........วันหลัง
ผักหมเหี้ยน.............ผักขมต้นเล็ก ๆ
อย่าฟ้าวเหยียบย่ำ....อย่าเหยียบย่ำ
บาดมันถอดยอดขาว.....บาดมันทาวยอดดั้ว.บางทีเมื่อมันเจริญงอกงาม
เถิงสิขึ้นเลาะฮั้ว.......แม้จะขึ้นริมรั้ว
ยังสิได้นึ่งเทื่อลุน......อาจจะได้เด็ดไปนึ่งภายหลังก็ได้
หมายถึงว่า.สิ่งเล็ก ๆ น้อย ๆ (คนไร้วาสนาด้วยครับ) อย่าได้ดูถูกเหยียดหยามมันอาจเป็นประโยชน์ภายหลังก็ได้ใครจะไปรู้ (เหมือนราชสีกับหนูในนิทานอีสปครับ)