สงกรานต์บ้านเฮา

สุรศรี

สงกรานต์บ้านเฮา
ฮอดสงกรานต์ยามเดือนห้า........เถิงเวลาเล่นสาดน้ำ
ซุมหมู่เจ้าพี่น้อง.........................โฮฮ้องม่วนแซว
ลูกหลานมาเยี่ยมบ้าน.................ไปทำงานอยู่บางกอก
เก็บกำเอาเงินคำ..........................สิ่งของมาต้อน
ผ้าป่าพ้อม...................................เงินทองมาสร้างวัด
คนละเล็กละน้อย........................พอได้ตื่มกัน
สู่ขวัญซุมผู้เฒ่า...........................ฝ้ายผูกแขนพ้อมไข่หน่วย
ต้มไก่น้อย..................................เทิงซั่วตื่มนำ
ยามกลางคืนลงเล่น....................ฟ้อนรำวงเล่นลัดด่าน
พากันเล่นลักลี้...........................มอญซ่อนผ้าม่วนหลาย
หดน้ำตายายเฒ่า........................ขอขมาอย่าให้บาป
ให้อยู่สุขลื่นล้น.........................ยาวหมั่นหมื่นปี
พากันเด็ดดอกไม้......................ไหว้พระยามมื้อแลง
พากันตบพระทราย...................ใต้ห่มโพธิ์จั่งดีล้น
ซ่อยกันรักษาไว้.........................ประเพณีไทยให้คงอยู่
ซ่อยกันสานสืบสร้าง.................แปลงบ้านให้ฮุ่งเฮือง....พี่น้องเอย
.
ซุม.......หมู่  พวก
ต้อน......ของฝาก
พ้อม.......ด้วย  พร้อม
ตื่ม.........แถม   ด้วย
ซั่ว........อาหารชนิดหนึ่ง นำเนื้อไก่ที่ต้มสุก ฉีกเอาเนื้อมาปรุงด้วยข้าวคั่ว หอม พริกป่น   คั่ว   น้ำปลา
ลัดด่าน.....การเล่นชนิดหนึ่ง  คล้ายตีจับของภาคกลาง
ลักลี้......การเล่นซ่อนหา
หดน้ำ....รดน้ำ
แปลงบ้านให้ฮุ่งเฮือง....สร้างบ้านเมืองให้เจริญรุ่งเรือง
...............
ขอพี่น้องมีความสุขในวันสงกรานต์ปีใหม่ไทยครับ