ทุกข้อห้ามกีดกันหมั่นคึดถาม บอกหมู่เฮาเลวทรามยุหยามหยัน จนแล้วโง่เหยียบย่ำคนนำกัน ปืนมาขู่มาคั้นบั่นบีฑา ห้ามบ่ให้ข้อยปากยามอยากเว่า ข้อยสิเอาถ้อยคำอันล้ำค่า มาใช้พิมพ์คอมพ์รุกปลุกชีวา คำอีสานสื่อปัญญาภาษาคน ห้ามบ่ให้ข้อยพิมพ์ห้ามจิ้มดีด ขู่ด้วยมีดด้วยปืนกล้ำกลืนบ่น ข้อยสิเขียนเป็นถ้อยคำย้ำกับตน ตามสิทธิมนุษยชนบนครรลอง ห้ามบ่ให้ข้อยเขียนเวียนมาขู่ ข้อยสิสู้ความซวยด้วยสมอง ใช้ความคึดหมั่นฝึกและตรึกตรอง เสียงเพรียกฮ้องจากชีวิตลิขิตนัย ห้ามบ่ให้ข้อยคึด – งึดขนาด ประชาราษฏร์ฮ้องทุกข์จากยุคสมัย หากห้ามผุ้ใฝ่หาประชาธิปไตย ก็ต้องห้ามลมหายใจข้อยไว้แล้ว ......
เชษฐภัทร วิสัยจร 10 ก.ค. 2553 17:11 น. - ID 135772 
1299
2
0
10 กรกฎาคม 2553 21:14 น. - comment id 1144801
อ้าว.....ตะกี้อ่านอยู่ดี ๆ มีตั้งหลายบท ทำไมเหลือยู่แค่นี้ล่ะ.......เสี้ยดายจังงงงง........
10 กรกฎาคม 2553 21:42 น. - comment id 1144813
สวัสดีคับ คุณโอ้ละหนอ ตอนนี้กำลังปรับปรุงแก้ไข อยู่ครับ คือมีข้อผิดพลาดทางเทคนิคนิดหน่อย เดี๋ยวจะนำกลับมา ไว้ที่เดิมครับ
13 กรกฎาคม 2553 14:39 น. - comment id 1145376
แนวว่าเซื้อซาติแฮง อย่าเหม็นซาบกุญกัน เกิดเป็น ไทอีสาน ให้ฮักแพงกันไว้ อย่าพึ่งไล ลืมถิ่มผัก กระโดนต้นเก่า บาดซิกินลาบก้อย จักโง่โค้งต่าวหา เด๋ มักคักอ้าย คำนี่ ห้ามบ่ให้ปาก สุดยอดซื่อได้ ตรงใจหลายครับ
หน้าส่วนตัว
กลอนอกหัก รักหวานซึ้ง
กลอนอวยพร
กลอนให้กำลังใจ
กลอนให้ข้อคิด
