กาพย์ฟ้อนบูชาถวายพระธาตุพนม ๒๐

สุริยันต์ จันทราทิตย์

     ๏ ซายเอย
มาหมู่เฮามาโฮมกัน
ตั้งบายศรีพานสู่ขวัญ
อภิวันท์พระธาตุเจ้า
     ๏ ซายเอย
ประเพณีแต่ก่อนเก่า
เฮ็ดกั๋นมาแต่ดนเค้า
มาหมู่เฮามารำฟ้อน
     ๏ ซายเอย
ดวงหน้านางรำงามงอน
หอมมะลิมาลัยซ้อน
แขนโค้งอ่อนยามตั้งวง		
     (๏ โอ้ละหนอ โอ้โอ้โอโอ้ละหนอ 
โอ้ละหนอ โอ้โอ้โอโอละนอ)
     ๏ ซายเอย
อันพระธาตุพนมองค์
นี้พระอริยสงฆ์
คงสถาปนาไว้
     ๏ ซายเอย
มาหมู่เฮามาฮ่วมใจ
ดำรงพุทธศาสน์ไท้
สานสืบไป ๕,๐๐๐ ปี
		
     (๏ โอ้ละหนอ โอ้โอ้โอโอ้ละหนอ 
โอ้ละหนอ โอ้โอ้โอโอละนอ)
     ๏ ซายเอย
เฮามาร่ายระบำพลี
น้อมระลึกสดุดี
องค์พระศรีศาสดา
     ๏ ซายเอย
ขออัญเซิญปวงเทวา
ทุกสวรรค์ทุกซั้นฟ้า
เซิญลงมาเป็นพยาน
     ๏ ซายเอย
ทั้งนาคาใต้บาดาล
ผู้พิทักษ์พุทธสถาน
แต่บุราณนมนานเนาว์		
     ๏ ซายเอย
จงเอ็นดูหมู่พวกเฮา
ถึงสิเกิดจากต่างเค้า
แต่ละเผ่าละพงศ์พันธุ์
     ๏ ซายเอย
แต่เฮามีใจเดียวกัน
เพราะพระพุทธศาสน์นั้น
ฮ้อยผูกพันมั่นตรึงตรา
     (๏ โอ้ละหนอ โอ้โอ้โอโอ้ละหนอ 
โอ้ละหนอ โอ้โอ้โอโอละนอ)
     ๏ ซายเอย
มาหมู่เฮามาบูซา
องค์พระธาตุศาสดา
ณ ต่อหน้าธาตุพนม
     ๏ ซายเอย
ขอให้เฮาได้ซื่นซม
ลาภมงคลไซยอุดม
เกิดใต้ฮ่มพระศรีอาริย์๚๛	
	
     (๏ โอ้ละหนอ โอ้โอ้โอโอ้ละหนอ 
โอ้ละหนอ โอ้โอ้โอโอละนอ ซายเอย)