3 กุมภาพันธ์ 2551 13:26 น.

***ค่าวนิทาน***

ถนปายี

เจิญฟังก่อนสาน นิทานลั๊วะจ้อย ตั๋วข้าม่อนน้อย หนานใจลังก๋า
ได้ฟังค่าวลั๊วะ ม่วนคืนนักหนา จึงจ่ำเอามา เล่าจ๋าบอกอู้
เพื่ออ่านแก้เหงา หมู่เฮาทั่วผู้ ขอหื้อฟังดู ดั่งนี้

ก๋อนกำจ๋า หมาเล่นอุ่มลี้ แมงมะหนี้ จ๋ามไอ
อึ่งอ่างขี้ค้าน ปกก้อนขี้ไถ จ้างมาดักไซ ได้แผวจุ่งจี้
แม่ไล่กิ๋นหมา มาหันเหียหนี้ หนูสูบมูลี ขี่แป๊ะ

มดลิ้นตั้งจ๋ำ มดดำส้อนแซะ เลยแวะแอ่วอู้ งูเปา
ไผเกยจ่ายฮู้ ขี้คู้มีเขา จะเข็บแมงเวา ลักเมาหี่งห้อย
ฮิ้นยุงกิ๋นเกลื๋อ จ๋นปอเป็นด้อย จะเล้อดาปอย บวชพระ

จั๊กก่าหัวเขียว ฮากเลือดยาซะ จ๋นสุกบ่อได้ นอนกาง
ปวกกั้นกะทิ เอาใส่ยาขาง อี่ฮวกเป็นซาง ฮ่างผอมแก้งแด้ง
อี่โหวดเก้าผม ลิงลมตาแป้ง หอยเก็ดแดง แอ่นฟ้อน

คางคกนั่งเหง้า โศกเศร้าเดือดฮ้อน บ่มีกู้อ้อน นอนแยง
ก่ำเบ้อก่ำปุ้ง ไห้กิ่นบ่าแต๋ง แมงสาบแมงแกง จ่างแป๋งก่องเข้า
แมงเม่ากั๋วฝน แมงงนกิ๋นเหล้า จ๋นปอเมา ฮากต๊น

แฮ้งต๊กเก้าต๋าล ขาห้านแข้งโก้น ไปไหนบ่ได้ สามเดือน
กว่างแม่เขาโซ้ง หุงต้มข้าเปี๋ยน อิ่นดูขี้เดือน ผะเลิดต๊กห้วย
นกเอี้ยงขี้หมา จาต๋าแส้งส้วย ถูกหวยรางวัล เลขท้าย

ซ้ำอ้นกับเห็น ลักเล่นจั่วพ้าย ตี้ปอยจั๊กกิ้ม ต๋ายจอย
ป๋าค้าวป๋าเต๊าะ ก๊บเขียดปู๋หอย ไปจ้วยดาปอย ตี๋ก๊องโม้ง ๆ
วอกก้างเสือหมี นกจี๋แจ๊บโก้ง ฟ้อนกั๋นรำวง เยิบ ๆ

ป๋าปกป๋าขาว ตั๋วยาวเติ้บเปิ้บ ตั้งใจ๋อยู่หั้น ฟังซอ
จะเข้เลี๊ยะพ่ะ ป๋าลิ๊ดป๋าขอ ลูกหมาจ๊อกวอ เป๋นว้อกะด้าง
จี้หีดจั๊กแต๋น เต่าแลนคิดสร้าง จะแป๋งโฮงงาน แข่งมด

แมงม้าหางงอน เปิ้นได้เลื่อนยศ ติ๊ดใส่บั้ง สิ๊บโท
นกจอกนกเก๊า เป๋นเจ้าโมโห สับหัวโต๊กโต เอาปู๋นก่านหน้า
มดง่ามเสี้ยงใจ๋ ควายต๋ายเบื่อหญ้า เขียดอี่จา แก้นน้ำ

แมงพิ้งหลบภัย ไปไกล๋เจ้นล้ำ อยู่แผวตี้ถ้ำ ผาไท
หอยโข่งจ้ำบ๊ะ บ่ฮู้อายไผ งูน้ำงูไซ ดังไฟห่อหนี้ง
เผิ้งมิ้นต่อแต๋น หน้าแดงปึ้งลึ้ง ส่งเสียงเอ็ดอึง โห่ร้อง

แมงบ้งออกใส แมงใบ้ลุ๊ต้อง หมูแม่ด้อง ต๋ายมาน
อึ่งนิมนต์แย้ ไม่ส่งสะก๋าร เป็ดไก่กว๋างฟาน บวชจุ๋งตวยก้น
เต่าน้ำป๋าฝา ไห้หาจ้น ๆ ตื้บ ๆ โยน ๆ จ่มตุ๊ก

ฮอหสิกจุ่งจา ก๋าเล่นหมากรุก จ๋นลืมคาบข้าว แลงงาย
วอกเฒ่าพี่ทิด สลิดเหมียนต๋าย มีนโยบาย จะขายพริกแด้
ขี้กุ่งแมงจอน หอนดังแผดแผ้ นกเป้านกแล ก้าโล่

ป๋าหลาดป๋าเข็ม เป็นตุ่มขี้โม้ ถูกมัดใส่โซ่ นอนควาย
หมาโก้งเซ็งลี้ ก่ำไฮแสนป๋าย เปิ้นยับวัวลาย เป็นแนวที่ห้า
หนูปุ๊กกิ๋นไถ ขะตู้กิ๋นกล้า ปี้หนานแมงดา ฟ้อนเงี้ยว

กุ้งขายก้วยเตี๋ยว ป๋าทูขายเกี๊ยว ถ้วยสองบาทถ้วน ราคา
เสือเล่นพ้ายป๊อก มอดรับค่าต๋า ฟ้องศาลอาญา ถูกปรับซาวเก้า
ลูกคอกป๋าต๋อง ต๋ายละลูกเต้า แมงป่องแมงเวา รับเลี้ยง

ยาแฝดนางนี จ้าดดีเม็ดเฟื้อง ขายม่วนเสี้ยง หม๊ดเลย
ฮุ้งเอาอี่แฮ้ง มาเป๋นลูกเขย แมงโพงกะเทย ถูกมัดเจือกก้น
ขอจ๊บค่าวจ้อย ลั๊วะจ้อยสับสน ลำบากลำบน บ่เนาจะเสี้ยง

จะอู้ไปยาว สาวหื้อหม๊ดเสี้ยง บ่อเนาบ่อเนือง มากนัก
ขอยุติก่อน สุนทรยั้งพัก จบเต้าอี้ ปล๋งวาง........./

				
11 ตุลาคม 2550 12:35 น.

ค่าวอกหักรักออนไลน์

ถนปายี

ขอวัจนัง เก็บคำมาร้อย สานเป๋นค่าวสร้อย ต๋ามอักษรสาส์น
เล่าเรื่องความฮัก เป๋นประสบก๋ารณ์ หื้อเป๋นตำนาน เชิญฟังเน้อเจ้า
โลกอินเตอร์เนต เปิ้นได้แวะเข้า ติดต่อไปมา เร็วนัก


ปะสาวคนดี เจ้าจี๋ดอกรัก อู้กับน้องเหน้า คนดี
สาวขอนแก่นนั้น น่าฮักดีหลี อู้จ๋าม่วนดี สุขใจบ่หน้อย
อ้ายคนเขลางค์ หัวใจเป่งป้อย อู้กั๋นถูกคอ แท้ทัก
 

เซาะหามาเมิน อี่นายน้องฮัก อู้ตวยกั๋นได้ เมินนาน
ส่งเมล์ล่องฟ้า ถึงน้องจอมขวัญ ส่งรูปนงคราญ หื้อดูต่างหน้า
เข้าเอ็มเอ็สเอ็น เช้าบ่ายรอถ้า หยังมาม่วนงัน แท้นั้น
 

อู้เล่นอู้หัว กับตั๋วน้องชั้น ม่วนงันแท้เจ้า คนงาม
แต่งกลอนหวานล้ำ คนอ่านล้นหลาม ต่อปากต่อคำ กับน้องสาวหล้า
เป๋นดีม่วนงัน ในหัวใจ๋ข้า ขอบอกคนดี น้องฮัก
 

ยามที่น้องงอน อ้ายได้เอิ้นทัก ง้อหาน้องเจ้า เร็วพลัน
ยามอ้ายพลาดพลั้ง ขอโทษจอมขวัญ น้องสาวบัวบาน ยกโทษหื้ออ้าย
น้องบ่ม่วนใจ๋ ตั๋วอ้ายก็ได้ ปลอบใจ๋คำญิง น้องฮัก
 

น้องคนขี้อ้อน อู้จ๋าม่วนนัก ยะหื้อตั๋วอ้าย สำฮาน
ถึงอยู่ไกลล้ำ บ่เคยหันกั๋น เหมือนน้องนงคราญ มาอยู่ใกล้ใกล้
ม่วนใจแท้นา ในตั๋วพี่อ้าย ได้รู้จักนาย วันนี้
 

อ้ายนี้ฮักนาย ขอจ๋ากล่าวชี้ บ่ใช่จะแกล้ง นงคราญ
น้องเอิ้นปากทัก ว่าอ้ายปากหวาน ขอบอกลาวัณย์ อู้แท้เน้อเจ้า
ปากตรงกับใจ๋ ขอบอกน้องเหน้า บ่จุ๊อี่นาย แท้นั้น
 

ผ่านไปหนึ่งเดือน อี่นายน้องชั้น มาบอกตั๋วอ้าย คำชาย
น้องบอกวันนั้น หื้อพ่อบุญหลาย รับตั๋วอี่นาย เป็นน้องสาวหล้า
ย้อนว่าคำญิง มีคนรอถ้า อยู่บ้านของนาย แท้ทัก
 

อ้ายได้ฟังคำ เจ้าจี๋ดอกรัก เจ็บปวดแท้เจ้า ใจ๋ชาย
น้องมีคู่แล้ว จุ๊อ้ายคำผาย อี่น้องทรามวัย บ่กึ๊ดสักหน้อย
อ้ายฮักต๋วนาย แม่หงส์คอสร้อย มาได้เมินวัน แล้วนั้น
 

มันบ่เป๋นหยัง อี่นายน้องชั้น หัวใจ๋ของอ้าย ชินชา
อกหักครั้งนี้ เสียใจ๋นักหนา ย้อนน้องยุพา เปิ้นมีคู่เฝ้า
ปล่อยหื้อเวลา ผ่านไปเต๊อะเจ้า หื้อมันเยียวยา ใจ๋นี้
 

ส่วนตั๋วคำชาย บ่หลบหลีกลี้ จะหมั่นแวะเข้า กระดาน
ไผมีความฮัก ขอหื้อสุขสันต์ ใจ๋ชื่นเชยบาน อย่าหื้อโศกเศร้า
บ่โทษอี่นาย แม่หลอมหล่อเบ้า ขอหื้อโชคดี น้องชั้น
 

หื้อฮักครอบครัว ของนายแท้นั้น ส่วนตั๋วของอ้าย ขอลา
อ้ายบ่าวคนนี้ ตึงบ่ถือสา ขอหื้อกานดา โชคดีเต๊อะเจ้า
ขอจบเรื่องราว ฮักที่โศกเศร้า อวสานลง แค่นี้
 

ความฮักออนไลน์ ขอจ๋ากล่าวชี้ จบลงแล้วเจ้า เนอนาย
ม่อนขอลาไป สุดป๋ายเท่าอี้ เท่านี้สู่กั๋นฟัง ก่อนแลนายเหย

				
10 กันยายน 2550 17:33 น.

แด่เธอ...ผู้กำเนิด

ถนปายี

ฉันมีเพียงอักษรกลอนหวานหวาน  
บรรจงจารลงใส่เป็นลายสือ
ตั้งใจแต่มแต่งประดับลงกับมือ
เพื่อใครหรือ ? จะเป็นใครนอกจากเธอ

เดือนกันยาสิ้นคิมหันต์ วสันต์โปรย
กลิ่นลมโชยเหมือนฝากใจไปเสนอ
ใจที่เปี่ยมมิตรสำหรับเธอ
แล้วจึงกลั่นออกเสนอมาเป็นพร

วันที่สิบกันยาทิวาสมัย
ขอส่งสาส์นจากใจเราทั้งผอง
เถอะสหายจงได้สมใจปอง
ตามครรลองแนวทางวิถีธรรม

เมื่อทุกข์มี มีทุกข์ ให้ทุกข์หาย
เมื่อเคราะห์ร้าย คลายเคราะห์อย่ากลายกล้ำ
พบเรื่องดี ดีเรื่อง การกระทำ
จะช่วยนำ นำช่วยให้มีชัย

สุข...ศานต์จงมีเถิดเพื่อน
สันต์...สงบมาเยือนแจ่มใส
วัน...ดีมีคืนร้ายไป
เกิด...เป็นวันสุขสดใสมงคล

ขอย้ำ ขอย้ำ อีกหน
ถึงเพื่อน ถึงเพื่อน หนึ่งคน
มีสุข มีสุข ในกมล
เทพดล เทพดล อวยชัยสถาพร... 


                                                                                            เชองดอยสุเทพ
                                                                                       ๑๐ กันยายน ๒๕๕๐				
8 กันยายน 2550 17:33 น.

ทฤษฎีความฝัน(กลางวัน)

ถนปายี

นั่งคนเดียวมันช่างแสนเปล่าเปลี่ยว
ความแลเหลียวจะมีบ้างไหมหนอ
นั่งนับวัน นับคืน คอยเฝ้ารอ
ว่าเธอจะขอฉันนั้นเป็นคู่ใจ

แต่เรื่องจริงเป็นแต่แค่ความฝัน
ฉันคิดมันไปเองถึงไหนไหน
ว่าเธอนั้นจะไม่ห่างฉันไปไกล
แต่ความจริงไซร้ เธอบอกว่า แค่เพื่อนกัน				
27 เมษายน 2550 20:02 น.

คิดถึง

ถนปายี

คิดถึง...แต่คิดไม่ถึงว่าคิดถึง

คิดไม่ถึง...ว่าคิดถึง แต่คิดถึง

ถึงคิดถึง...ก็คิดไม่ถึงว่าคิดถึง

แต่ คิดไม่ถึง...ว่าไม่คิดถึงที่คิดถึง				
Calendar
Lovers  0 คน เลิฟถนปายี
Lovings  ถนปายี เลิฟ 0 คน
Calendar
Lovers  0 คน เลิฟถนปายี
Lovings  ถนปายี เลิฟ 0 คน
Calendar
Lovers  0 คน เลิฟถนปายี
Lovings  ถนปายี เลิฟ 0 คน
ไม่มีข้อความส่งถึงถนปายี