จากถนนท้องทุ่ง จนจวบมุ่งเมืองฟ้า เดินลัดเลาะเวลา หาสิ่งใด หลายขวบปีผ่านผัน หลายขวบพรรวษา คึดฮอดทุ่งท้องนา น้ำตาไหล เป็นจั่งใดเฮือนบ้าน อีกทั้งร้านรวงเก่า ทั้งผู้แก่แม่เฒ่า ไผเฝ้าไข้ ปีนี้น้ำเจิ่ง เหอสิเถิงน้ำหลาก ทั้งรวงขาวข้าวหมาก พอถากไถ แนวฟากช่อระกา รอยหลังคาหลังโบสถ์ ปีนี้ไผสมโภช หลวงพ่อใหญ่ ข้าวออกรวงออกเรื่อ เหอล้มเดือรดาษ พอเหลือเชื้อเหลือฟาด ต่อคราดไถ เงินข้อยส่งมาแนบ พอแอบอัฐตัดปลาย เจ้าเงินดอกเรี่ยราย พ่อถ่ายไว้ ตัดดอกเบี้ยกิมเส็ง หากต้นเร่งกิมเสี่ย พอถัดเดือนจะเรี่ย จะรายให้ แพรโส่งผ้าอีแม่ต่ำ บ่สีคล้ำตกต่ง แม่อย่าต่ำฝากส่ง โสร่งให้ ถึงขาดรุ่ยขุยเลาะ ยังพอเผาะเผื่อปะ ยังบ่เก่าเกินกะ กะใช้ได้ ฝากดูหม่อนต้นไหม อีนางไอ่ดอกอ้อ อีแม่เห็นบ่หนอ เป็นจั่งได กลัวสิ้นสาวเข้าเนื้อ หนุ่มบ้านเหนือเข้าแนบ ฝากอีแม่คอยแอบ คอยดูให้ หากมีเงินมีทอง สิมากองสินขาด อีแม่ถามพ่อใหญ่อาจ สิได้ไหม พอสิ้นเสียงสายนูว่าว ลมข้าวเบาเบี่ยงเบน รวงข้าวเหลืองระเนน จะเร่งไป คืนสู่บ้านร้านถิ่น อีแม่ยินดีอก ลูกกราบแม่ปรกปรก คงชื่นใจ ตัดข้ามถนนทุ่ง ตอนฟ้ามุ่งถนนเมือง จนสีฟ้าดูเหลือง เปลืองหัวใจ อีแม่เอ๋ยฟ้ายังสูง ยังฝูงดินจนสิ้นต่ำ พวกเขาเหยียบเขาย้ำ ระกำใจ ดูมันเหน็บในอก เหน็บเข้าพกเกินเอ่ย ยิ่งกว่าสิ่งนิ่งเฉย กว่าทำใจ แทบน้ำตาไหลพราก จากจนหลากล้นสาย มือกำแน่นมิวาย ถอนหายใจ.
ธรรมาภิวัฏ 28 ก.ค. 2549 21:22 น. - ID 91512 
1603
1
0
28 กรกฎาคม 2549 22:27 น. - comment id 593518
มวนหลายเด้อ ... น้องหล่า : )
29 กรกฎาคม 2549 05:03 น. - comment id 593550
คึดฮอดอีแม
29 กรกฎาคม 2549 08:45 น. - comment id 593568
เห็นก่องเข่าแล้ว อยากกินข้างจี่เนาะ ทาไข่จักหน่อย กินกับปิ้งซี่น หิวๆๆๆๆ
29 กรกฎาคม 2549 08:55 น. - comment id 593573
คึดฮอดอีพ่ออีแม่คืนกัน คึดฮอดบ้านหลายเด้อ..
30 กรกฎาคม 2549 03:02 น. - comment id 593752
ป้าดโท้....เขียนได้ใจ่ขนาด สาวซิ่นขาดซิ่นหลุด เว้าฮอดเรื่องไถฮุด ซ่างม่วนหลาย เว้าเถิงพู่นเถิงพี่ เทิงเลี้ยงหมี่ปลูกไหม ฮอดพวงแก้มป่ายหล่าย ตาหน่ายใจ
หน้าส่วนตัว
กลอนอกหัก รักหวานซึ้ง
กลอนอวยพร
กลอนให้กำลังใจ
กลอนให้ข้อคิด
