ฝากไว้ก่อน การสื่อสาร........ ยามขัดข้อง.......... ต้องขัดใจ ลมกันไป.......... คีย์เขียนได้ ......... ส่งไปหาย สายเป็นหยัง...... ซังแท้เด้ ..............เป็นตาหน่าย นั่งส่ายหน้า........ ขยับสาย ..............ปลายทางมิด.....ฮ่วย!! วะ!ใจฮ้าย .......... ให้หลายแล้ว ...... แนวหัวเสีย แสนระเหี่ย .........เพลียหัวใจ ......... ให้อยากปิด รีบูทคอม ........... ต่อเนทใหม่ ........ ใจจนอิด ต่อแล้วติด......... ติดแล้วต่อ .........พออยากหยุด....หน่ายเด!! เมื่อยลอกอิน........ หลายเทือ ..........เบื่อแล้วใด๋ คุยกันไป ...............บ่ฮอดใส ............สายก็หลุด หรือว่ามี................ อยู่หม่องใด ........สายชำรุด เฮ็ดเนทหลุด .........หมุดหมัด.......... ขัดข้องใจ.....วะ!! จากทำอิด............. อามรมณ์ดี........ กลายเป็นฮ้าย ย้อนเซ็งหลาย ........หน่ายเนท .........สั่งบ่ได้ ใจคึดฮอด .............ออนไลน์หา....... คนอยู่ไกล เอ็มเอสเอ็น ..........เฮ็ดข่อยได้........ หมองใจเด ....เฮ้อออ!! . . . MSN , Yahoo ฝากไว้ก่อน ซำมะแจะ ๓๐ กันยายน ๒๕๕๒ เพิ่มเติม ลมกันไป หมายถึง คุยกันไป เป็นตาหน่าย หมายถึง น่าเบื่อมาก ปลายทางมิด หมายถึง ปลายทางเงียบ ไม่มีการโต้ตอบกลับมา จนใจอิด หมายถึง จนเหนื่อยใจ หมุดหมัด หมายถึง หงุดหงิด ทำอิด หมายถึง ครั้งแรก
ซำมะแจะ 30 ก.ย. 2552 11:34 น. - ID 129539 
1316
3
0
30 กันยายน 2552 11:51 น. - comment id 1045300
เปิดจอคอม หมายใจ ได้พ้อหมู่ เฝ้ารออยู่ โดนแล้ว..เสี่ยวแก้วเอ๋ย ไปอยู่ไส ให้ข้อยท่า บ่มาเลย แม่รำเพย..มาไวไว...อย่าให้คอยเก้อ..เด้อ..
30 กันยายน 2552 13:14 น. - comment id 1045342
เน็ตเสียอารมณ์อย่าเสีย ดีซะอีก จะได้ออกไปเดินเล่น เปลี่ยนบรรยากาศ จริงมั้ยครับ
30 กันยายน 2552 13:20 น. - comment id 1045350
ตำอิดตำก่อ บ่มีเน็ตก็พออยู่ได้ แม่นบ่จ้า พอบ่มีมันหุนหวยบ่จ้า
30 กันยายน 2552 13:27 น. - comment id 1045362
โอ๋ โอ๋ โอ๋ คุณพี่ซำฯ คะ อิอิอิ เอาน่าพี่เน็ตล่มข่มใจนิด คอมไม่ติดเอ็มก็มิดอิ๊บเงียบปั๊บ พิมพ์งานไปยังไม่เซฟไฟก็ดับ เจ้านายจับว่าอู้งาน..พาล-อดโบ...(นัส) อิอิอิ ************************* น้องมดย้อเย่นนนนนนนนนนนน อิอิอิ
30 กันยายน 2552 15:39 น. - comment id 1045432
ฮ่วยยยยยยยยย เอ็มทำพิษหรือคะ อิอิ
30 กันยายน 2552 21:47 น. - comment id 1045607
ฮ่วยมาคือกันแท้เฮา ลางเทือเข้าไปโพสต์กลอนเพิ่นได้ม่วนๆเน็ตหลุด เทือต่อได้ลืมควมเว้าจ้อย สูนหลายกะยังวะ อยากตีคอม กะย่านมันฮ้าง เป็นตาหน่ายอีหลีตั้ว แมนแท้ยามเฮาฟ้าวๆเพิ่นแห่งคัก เอื้อยมายามไทบ้านเฮา คนเมืองน้ำดำเด้อเอื้อย แต่ใจขาวอีหลีเด้
2 ตุลาคม 2552 13:44 น. - comment id 1046273
ฮ่วย จักสิเฮ็ดจังได๋อี่นางเอ๊ย.. ข้อยกะบ่แม่นเจ้าของเวปเด้.... มาฮ้องเพลงกันดีกั่วจังซั่น.. เอ้า..จังซี่มันต้องถอนนนน...แฮ่...
หน้าส่วนตัว
กลอนอกหัก รักหวานซึ้ง
กลอนอวยพร
กลอนให้กำลังใจ
กลอนให้ข้อคิด
