ในนี้..ไผเป๋นคนเมืองพ่องเจ้า??

SonyaBeauty

อ่านค่าวแล้วนั้น ในเรื่องปัญหา 
ยากแท้อั้นกา บ่ใช่เหล้น ๆ
จำปี๋สีนวล บ่าเละบ่าเหล้น กึ๊ดนักแท้นา เรื่องนี้
เรียนผูกแล้วนา ขอจ๋ากล่าวจี้ ก็เรียนแก้ได้ คำชาย
หื้อคนอื่นนั้น มาแก้หื้อหาย 
ยากแท้เนอนาย คงช่วยบ่ได้...... 

บ่เปิงจั๋ย เป็นไผ ก่กึ๊ดโขด
ตึงเป๋นโทษ เป๋นขึง ทมึงหนา
ก่ตั๋วอ้าย ไปฮั๊กเมา  หมู่เขามา
สาวบ้านผ้า เปิ้นหน้างาม อ้ายถามกอย
อันตั๋วน้อง  ตึงบ่ได้   ไปตี้ไหน
บ่เหมือนไผ  ตี้ตั๋วอ้าย  เฝ้าบ่ถอย
ก่ตะคืน อ้ายบ่ดั้ย ปิ๊กบ้านดอย
ตั๋วน้องกอย กึ๊ดเติงหา ท่าอ้ายเมือ
บ่เอาแล้ว  ใคร่ไปไหน อ้ายไปเต๊อะ
ใคร่ไปเพ๊อะ แวดตี้ใด ในบ้านเหนือ
น้องมันเอิบ  อู้แต่กำ ค่าวกำเครือ
บ่มีเหลือ  เจื้อสัมพันธ์ ฉันสองเฮา
ได้แต่ปิ๊ก และมาแต่ง เป๋นกำค่าว
เป๋นฮักร้าว  ใผฮู้เข้า  ก่อายเขา
ตึงบ่มี  แห๋มแล้ว  ตี้จะเมา
ฮั๊กอ้ายเขา ตั๋วน้องนี้ ใคร่ขอลา

บ่มีอะหยังเจ้า... อันข้าเจ้า
ใคร่ฮื้อมาฮั๊กอนุรักษ์ กำเมืองบ่ดาย
บ่เกยซักเตื้อตี้จะอันเขียนเป๋นกำเมือง
ใคร่ฮื้อปี้น้องมา ลองดูกั๋นเน๊อะเจ้า......