มีเรื่องเก่า..คนเฒ่าแก่ แกเกยเล่า เรื่องของเก๊า..ดอกเอื้องน่อย..บนดอยฮั่น มันเกิดมา ปะเก๊าใหญ่ ใจ๋ผูกพัน ฝังฮากฮัก เกาะติดกั๋น...ตลอดไป เป๋นความฮัก ตี้ยิ่งใหญ่ ในไพรสน บริสุทธิ์ เกิ๋นกว่าคน..เข้าใจ๋ได้ ว่าเก๊าเอื้อง ฮักไม้ใหญ่ ได้จะได ขอถ่ายทอด เรื่องนี้ไป ฮื่อฮู้กัน .......................................................... เอื้องอิง...แอบเก๊า ไม้ใหญ่.... สุขใจ๋ บ่ไป....จากกั๋น ขออยู่ เป๋นกู้ จู้สัมปัน เกี่ยวฮัด เก๊ามั่น...ตลอดไป เอื้องฮับ เอื้องฮู้..อยู่บ่เมิน เป๋นเก๊าน่อย ด้อยเกิ๋น...เข้าใจ๋ แต่ก้าฮัก..บ่ได้น่อย อย่างก้านใบ ฮักของเอื้อง ยิ่งใหญ่...ใคร่บอกกัน เอื้องขอ..ฮักเดียว เตียวบอกย้ำ บ่ขืนกำ..เต๊าต๋าย อ้ายอย่าหวั่น ใจ๋เอื้อง บ่เปลื๋องฮัก เลยสักวัน ฮื้อ..ฮักนี้..จั้วนิรันดร์...แสน มั่นคง.. ............................................................ ป ต า ร มิ น ท ร์ ขอฮื้อความฮักของตุ๊กคน...สวยงามสดใส ในหัวใจ๋เปี่ยมสุข
ปตารมินทร์ 15 ก.พ. 2549 12:46 น. - ID 86576 
1146
0
0
15 กุมภาพันธ์ 2549 13:32 น. - comment id 561051
ขอให้ฮักเปิ้นจั้วนิรันดร์..โต้ยกั๊น.อ่วงหา
15 กุมภาพันธ์ 2549 18:50 น. - comment id 561168
ม่วนแต้เจ้า แวะมาเยี่ยมงับ
15 กุมภาพันธ์ 2549 18:53 น. - comment id 561170
ต่องฮ้องว่า แวะมาแอ่ว ใช่เกาะลาวบ่ฮู้เรือง ก่อเป็นจังซี้แหล่ว 555
หน้าส่วนตัว
กลอนอกหัก รักหวานซึ้ง
กลอนอวยพร
กลอนให้กำลังใจ
กลอนให้ข้อคิด
