ร้อยฝัน
คอนกะต่าหย่างเข้าป่าหาแนวกิน
หูได้ยินเสียงจักจั่นลั่นแนวป่า
ไม้ติดยางแปะติดปีกติดตามขา
จับรวมมาก้อยจักจันมันอีหลี
ขวยกุ๊ดจี่ ขี้วัวแห้ง แห่งมันคัก
เอาเสียมจั๊ก คันแทนา หาหอยลี่
ก่นอีปู ฮูหน้าแล้ง แพงมาจี่
สิให้ดี แจ่วบองจ้ำ แห่งหนำใจ
แหว่เข้าเก็บ ผักหวานป่า โพนนาพู้น
ยอดจูนพูน เอามาแกง ใส่กับไข่
แม่มดแดง แพงตำเมี่ยง ข่าตะไคร้
ปลีหัวใหญ่ มากินแนม แกล้มเมี่ยงตำ
เป็นของแซ่บ ของอีสาน นานมาแล้ว
ขอดวงแก้ว กลับคืนมา อย่างร้องร่ำ
อย่าให้เขา หยามน้ำหน้า ว่าหน้าดำ
หัวใจต่ำ เป็นคนโง่ โงบ้านเฮา
เอาชีวิต ไปแลกกับ คนผีบ้า
เขาตราหน้า คนนอกคอก ออกโง่เง่า
อย่าสุเชื่อ
1508
4
0
หน้าส่วนตัว
