ยังเยาว์
น้องยังดี บ่พอ แม่นบ่อ้าย
มาเฮียงกาย นั่งข้าง เพราะว่างเหงา
บ่ได้ฮัก บ่ได้แพง มาแจงเว้า
ต้มตั๋วเอา ใจน้อง แล้วครองไว้
คือใจดำ คักแท้ ตอแหลเก่ง
เอาคำหวาน มาละเลง บ่เกรงไผ
บ่ย่านบาป กลัวกรรม จึงทำได้
เฮ็ดน้องไห่ มีน้ำตา หน้าบ่อาย
มาหัวซา บอกซ้ำซ้ำ คำว่าฮัก
เหมือนจะปัก หลักใจ แล้วใยหาย
ตั๋วจิกลิ่ก จอกหลอก แท้น้ออ้าย
ฮักสิตาย แม่นเปลี่ยนไว น้อใจคน
ฮู้อยู่ดอก ว่าเป็นบ่าว สาวเขาฮิต
แต่บ่คิด สิผิดคำ ทำสับสน
ฮู้อยู่ดอก น้องผู้ฮ้าย น้องมันจน
บ่อยากทน ทุกข์ยาก ลำบากตาม
คำผู้เฒ่า เว้ากรอกหู ยู้ใจแกร่ง
อย่าคิดต่อ คนเสแสร้ง ที่แกล้งถาม
กำลังใจ เด้อลูกหล่า พยายาม
ให้คนหยาม ถอยหาย
1915
3
0
หน้าส่วนตัว
