สุรศรี
อีเมล์ถึงนางฟ้า
ซำบายดีน้องหล่า คำแพงนางฟ้าพี่
เขียนอีเมล์มามื้อนี้ ฟังอ้ายสิกล่าวขาน
มือนี้เขียนจากห้อง มอสองอยูหม่องเก่า
หัวใจอุกอั่งเอ้า คึดฮอดเจ้าอยู่สู่ยาม
กินข้าวงายกับหยังหล่า กับปิ้งปลาหรือปิ้งไก่
กับทอดไข่บ่น้อง หรือนางหล่ากินอีหยัง
หรือเจ้ากินบ่ได้ อาหารไทยพื้นบ้านเก่า
กินสปาเก็ตตี้ กินแต่อบพิซซ่านางหล่าจั่งสิไล
เข้าแต่ในเซเว่น กินอาหารญี่ปุ่น
คั่วจินูนแกงหน่อไม้ เจ้าลืมได้ก้อยกะปอม
น้องอย่าไลลืมถิ่ม มูลมังแต่ครั้งเก่า
ลืมพ่อแม่อ้ายน้อง ไปหลงย้องผู้อื่นดี
เงินเดือนหลายอยู่บ่หล่า สิ้นเดือนมาเหลือจักบาท
เงินเขินขาดอยู่บ่น้อง ส่งทางบ้านเดือนท่อได๋
คันเหลือกินเหลือใซ้ ให้
1361
3
0
หน้าส่วนตัว
