สมาชิกเขียนเยอะ

 
สมาชิก
ผลงาน

มุมมอง ของลำนำ

เชษฐภัทร วิสัยจร

อันลำนำ คำงาม ควมเพิ่นเว้า
เสียงแคนเคล้า คลอพิณ ถิ่นผะหยา
ใจจื่อจำ จดจื่น แต่มืนตา
เถิงคุณค่า ลำนำ คำของคน

เสียงลำนำ คำควม เพิ่นว่าไว้
ผิว่าใจ มิใคร่ฉ้อ บ่คึดฉน
แม่นคึดดี เฮ็ดดี วิถีตน
เถิงเป็นคน ชนไร้ชั้น  บ่ฮั่นฮ้าง

คั่นแม่นผู้ ยโส เฮ็ดโตอ่ง
บ่สร้างสรรค์ จรรโลง ทำโผงผาง
ต่อให้คำ ลำนำม่วน สรวลบ่ซาง
คนกะหมาง เถิงเป็นเจ้า เขากะเมิน

อันลำนำ คำไพร่ บ่หมายว่า
แบ่งยศถา ชนชั้น จังสรรเสริญ
แต่ลำนำ คำม่วน สิซวนเซิน
อยู่ที่ใจ ไผเพิ่น ผู้ถือธรรม

ผิไผเบิ่ง เถิงคำ ลำนำเพี้ยน
ตีควมเปลี่ยน แปลกไป ให้ระส่ำ
ลองเบิ่งใหม่ ควมหมายพ้อง ของลำนำ
แล้วลองย้ำ นำเบิ่ง สิออนซอน

อภิธานศัพท์
				
3795   6   0     love