ชีวินมธุรา
ข้าเจ้า เป๋นสาวเหนือ
มีจาดเจื้อ เมืองคนงาม
หัวใจ๋ ใค่ฮู้กำ
ว่าฮักนั้น เยียะจะใด
ข้องขัด อยู่ตางใน
กะมีใผ อู้หื้อฟัง
ปี้สาว บ้านตางข้าง
เปิ้นหลงกำ เจื้อคนใต้
ฮักเปิ้น แต้นักหลาย
ผลสุดท้าย ให้ตึงวัน
แม่นว่า เป๋นจะอั้น
ข้าเจ้า หันบ่อยากมี
ฮักแต้ ตางใดจี๊
ปะกั๋นนี้ สักกี่คน
อกใน ว้าเววน
กึ้ดสับสน แต๊แต๊นา
ผู้บ่าว คนเมืองใต้
จ๋ำจดไว้ บ่เจื้อกำ
ฮูปหล่อ ในก๋วงดำ
เจ้าบ่นำ ไว้คู่เคียง
บ่าวใด ใสซื่อมั่น
ฮิเตียวหมั่น หาเจ้าหนา
มอบใจ๋ หื้อเอื้องผา
นับคณา บ่จุ้ลวง
กองผ่อ แม่นแล้วส่วง
เจ้าบ่หวง ฮับฮักเนอ เจ้า
******
ชีวินมธุรา
865
4
0
หน้าส่วนตัว
