เชษฐภัทร วิสัยจร
เบิ่งฟ้าบ่เห็นน้ำ
เบิ่งลุ่มซ้ำบ่เห็นทราย
คอนกรีตปิดดินตาย
ย่อมปิดเสียงอีสานเฮา
ปิดเสียงแห่งแผ่นดิน
จนเหมิดสิ้นถิ่นลำเนา
ถ้อยคำจากปากเขา
คือดูถูกดูหมิ่นจริง
ลำโขงก็เหือดแห้ง
ลำมูลแฮงบ่ไหวติง
ลำชีผีซ้ำสิง
แสนลำบากฮากแตกแตน
อีสานบ่มีเสียง
เหมิดสิทธิ์ฮ้องบอกผู้แทน
อุกอั่งมันคั่งแค้น
คุในเอิกกระอักเอา
น้ำตาไหลเหี่ยฮด
คอนกรีตซดตะเว็นเผา
อ้ายน้องผองหมู่เฮา
สิเว้าหยังเว้าจังใด๋
หนึ่งคำก็ว่าโง่
เขาก็โห่ก็ฮาให้
เป็นคนคือกันไย
มาดูถูกว่าเป็นควาย
เสียงสิทธิ์ที่เลือกตั้ง
คือพลังหวังเลือกนาย
ทุกเกิดแก่เจ็บตาย
พร้อมฮับผิดชอบคิดตาม
ไยปล้นศัพท์เสียงเฮา
มาดูเบาดูถูกควา
2216
12
0
หน้าส่วนตัว
